US Commando temi ISIS tongti lenir ka khaset

Washington, January 12 (Agencies) : US Tir Barack Obama Tir menden nungi alutsü mapang tonga aruba mapang America commando temi tan hopta ISIS tongti lenir tejen ka khaseta ano pa lenisüba kübok kiralongrar tekolaktem tepsetba tarensen züinshiogo.
Deobarnü Syria nung U.S. special operations unit, Expeditionary Targeting Force-i mita aoba mapang ISIS nung finance ketdangser tekolakba, Abu Anas al-Iraqi khatset, ta counterterrorism ketdangser kati ABC News dang ashi.
“Pa ya ISIS telungpur tekolaktem rongnung ka liasü,” ta kasa ketdangser jagi ashi.
US-isa Iraq nung yimti tulutiba rongnung tanabuba Mosul nung ISIS lenir Abu Bakr al-Baghdadi-a khasetogo.
Intelligent temi nüngdakba telungpur meyong documents aser electronic oset bushitettsü atema commando temi mita aoba mapang Abu Anas al-Iraqi den ano ISIS züngsema ka dena khasetsem saka America nunger commando bo ka tanga meyiru.