US dang nungi raraba helicopter alitsü sorkari agizükogo

New Delhi, September 22 (Agencies): Ato kilonser Narendra Modi-i US semdangtsü lia Cabinet Committee on Security (CCS)-i Apache attack helicopter 22 aser Chinook heavy lift helicopter 15 United States dang nungi alitsü agizükogo. Helicopter 27 ji sen crore 1,900 ($3 billion) asütsü, ta osang ka ajanga ashi.
Defence atema iba tezüngzüktep agitsü atema Cabinet senden ka amenba sülen CCS senden mena liasü. Defence sector nung ketdangser aikati, 2015 June ita nung US Defence Secretary Ashton Carter-i India semdangba mapang US den iba tezüngzüktepji agitsü ta imlaa liasü.
UN General Assembly nung adentsü atema Bodhbar nü Ato kilonser Narendra Modi US-i aotsü lia US dang nungi raraba helicopter alitsü agizükogo.
Iba contract sülen ano Apache 11 aser Chinook helicopter 4 alitsü sentong lir.
US nunger helicopter anaprong ya Afghanistan aser Iraq nung raraba mapang amshiogo.
Apache AH 64D Longbow helicopter ya alima nung raraba helicopter tajung rongnung ka lir, iba helicopter ajanga aonung aser tsüngsang mopung ajak nung junga raratettsü, minute ka tsüngda nung target 128 tashi angutsü koka lir.

You must be logged in to post a comment Login