US Defense Secretary-i Syria nung ‘chemical weapon’ lir ta ashir

Jerusalem, April 21 (Agencies) : Hokolbarnü US Secretary of Defense James Mattis-i, Syria ket nung ‘chemical weapon’ tem lir saka itemji joko mamshitsüla, ta Syria dang metetdaktsü.
Israel semdangba mapang Mattis-i, Tir Bashar al-Assad’er teloki mim khaloktsüba oset yua alibaji kecha mamangtsü mali, ta ashiba osangbenertemi ashi.
Israel nunger rank tulu aketba ketdangser kati Damascus nung item oset tonne aika yua lir, ta ashiba osangbenertemisa metetdaktsü.
“Syria-i item oset ajak intoktsü nangzükba ama meinyak. Parnoki item oset ano bendena lir aser ibaji ajanga international loktii parnok dak temulung malem tenzüktsü,” ta Mattis-i Israel Defence Minister, Avigdor Lieberman lia ashi.