US delegation-i NEC Secretariat semdang

Dimapur, Chiteni/July 04, 2019 (TYO): Professional Fellows Programme Outbound 2019 shilem ama US delegation züngsem 12 agi July 03, 2019 Bodbarnü NEC Secretariat semdanga liasü.
Iba mapang US delegation züngsem 12 yagi NEC, Member, Prof. Biman K. Dutta, NEC, Secretary, Ram Muivah aser NEC ketdangsertem den sensaksema liasü.
Exchange programme shilem ka ama, Delegation-i Act East Policy of the Government of India dak sendakba onüktem nung jembishinüa liasü.
Iba Delegation nung Greater Pheonix Economic Council, California State University, Philadelphia Department of Public Health, World Learning Washington, Takoma Park aser Office of the Legislative Counsel, Sacramento nungi züngsemtem densema lir.