US den shishilembaba tsütsü meraratsü : Zhong Shan

Beijing, Metsüremi 11 (Agencies) : United States den shishilembabaren tsütsü meraratsü, ta tanü Amungnü China nungeri metetdaktsüogo saka par linüki jangraba takok ngua inyaktettsü atemabo nokdaktsü ta nangzüka shiogo.
“Shishilembaba tsütsü raraba nungbo takok angur shinga mali aser ibaji atalok ka asünunga linük ana atema dang masü saka alima ajungalen alirtem asoshi takoksa tulu asütsü,” ta China nunger tatar senden aliba den külemi osangbenertem den jembidang Commerce Minister, Zhong Shan-i metetdaktsü.
“Shishilembaba tsütsü China nungeribo meraraner mesüra iba mesükba tongpang tenzüktsü atema China nungeri meinyaktsü saka ozü linük atema kechi tebilemtsü arudir ibaji onoki anepalutettsü,” ta paisa metetdaktsü.
China o US na tsüngda shishilembaba aser amalitepa inyakba dak sendakba tebilemtsü nung tang tesüsaba Beijing-i ibaji metetdaktsür.
Tanga linük nungi steel aser aluminum alia bener aruba nung saru sashia meshitsü atema US Tir, Donald Trump-i sentong yangluba den atishia jembidang pai iba olenji metetdaktsü.
Bendang linük nungi alia bener aruba steel nungbo noklang shilem nung 25 agitsü aser aluminum nung 10 percent agitsü ta US leniri anogo ishika tejaklen shiogo saka mapang tatsüka atema steel jenti yangluba Canada aser Mexico nabo iba nungji mezüngoker, ta kasa osang ajanga metetdaktsüogo.