US Drone tayimtsüi Yemen nung tongti al-Qaeda lenir ka tepset

Aden, February 04 (Agencies): US mitkartemi ketdang asüba drone tayimtsü kati mepetmesü agi sünga aliba Yemen linük anülulentip tsütsülen atsüka aliba tongti al-Qaeda lenir ka tanü, Brehostibar nü tepsetba osang jangjaogo.

US mitkartemi nisung memeni anüng nung yimdaktsüba drone tayimtsü amshia Abyan province kübok Maraqesha tesem nung atsüka alir tongti Al-Qaeda in the Arabian Peninsula (AQAP) lenir, Jalal Belaidi aser pa anüker 2 tashi tepsetba osang ka US mitkar lenirtemi metetdaktsü.

Abu Hamza ta ajasang, Belaidi, Abyan nung aso aser pa Zinjibar nung tentetba al-Qaeda lenir ka aliba sülen tawa AQAP nung tongti commander akümba osang bushiteta lir.

Yashi, Bodbar nüa US mitkartemi drone tayimtsüsa amshia Shabwa province nung AQAP züngsem 6 tashi tepsetba osanga jangjaogo.

AQAP aser Islamic State (IS) na densema, jihadist-temi Yemen anülulentip tsütsülen densemba tesemtem nung tesep tentetba osanga bushiteta lir.

You must be logged in to post a comment Login