US fashion show nung India designer ka nüburi tesaputiba adok

Washington, September 26 (Agencies):America nung Bellevue Fashion Week nung senteper temi India nunger designer tetsür ka tesaputiba ta vote asüba media ajanga metetdaktsüogo.
VARSHA brand kibur, Varsha Agarwal-i iba tesenteper vote temji Hokolbar, September 23 nü nguteta liasü.
“Küm shia iba sentong temer külen tadenertemi iba vote agütsüteper aser iba mapang parnoki saklokba designer tem tuteta jembiteper aser iba mapang tongti tesemdanger aser tejaokertema densemer amai bilemer,” ta iba sentong ayonger Kemper Development Company nung marketing tsütsü Tatong Tir Jennifer Leavitt-i ashi.
Iba sentong nung tendanger tajungtiba shimteterji alima nung fashion mongintem den ita tuko külemi inyaktsü asoshi maongka angutsü.
Mapa inyakba tesemi tubor ajungba bener arutsübaji Aggarwal nükjidong lir. La ya fashion design nunga degree ngua lir.

You must be logged in to post a comment Login