US: Georgia nung Kelly Gissendaner tasüba agi merenshi

Georgia, September 30 (Agencies) : Pope dena nisung aikati noktangtsü merangaka US kübok Georgia state nung tetsür ka tasüba agi merenshiogo.

Küm 70 sülen Georgia nung arishi küm 47 tain Kelly Gissendaner tasüba temerenshi agütsüogo.

La atema okatsürtemi US Supreme Court nung temepishiba asem tashi agütsü saka itemji ka danga magizük.

1997 küm Gissendaner-i la kinungbo tepsettsü tasa atong. Iba mapang la tetong Gregory Owen-i Douglas Gissendaner tepset aser pa taküm piyong tepuokdak ayutsü temerenshi agütsüogo.

Tawa tu Pope Francis-i US semdangdang review board dang tasüba temerenshi magütsütsü atema ayongzük, saka Mongulbar nikongtsütsü board-i taochi mesayutsü ta telemtetba agiba osang metetdaktsü.

Kelly Gissendaner nem ‘lethal injection’ metoloktsüdang lai Amazing Grace ken aten ta tenük kuli agütsürtemi ashi.

“Nenok ajak moajang. Gissendaner’er kinüngertem dang ni kanga sasar ta shijang. Kü mechi nung nisung tajung ka taküm samatsü. Ni meyipa agitettsü süra meyipa agila” ta Kelly-i la masüdang ashi.