US-i 1 buba tetsür Tir asoshi renema ali asü mali meshitettsü: Hillary

Hillary Clinton_1Washington, February 19 (Agencies): US linüki mezüngbuba tetsür Tir asoshi renema ali asü mali meshitettsü ta Democratic yimtenren telok nungi candidate ka ama US Tir menden asoshi toktepla, Hillary Clinton-i tanü, Hokolbar nü metetdaktsüogo.

“America linüki mezüngbuba tetsür Tir asoshi renema ali asü mali ni meshitettsü. Ajisüaka, tetsür lenirtem nem linük anidaktsütsüren nung tanü putu nung alir nüburtem indang tangatetba tajungba kümogo,” ta arishi küm 68 tain Hillary-i ashi.

Tesüiba US Tir, Bill Clinton kinüngtsü, Hillary-i election nung takok ngua mezüngbuba tetsür US Tir küma otsü tasen yanglutsü alizüng yua lir.

“Ni US Tir kinüngtsü aliba, 9/11 lendong sülen US Secretary of State inyakba aser Tir Barack Obama o National Security Team den aroki mapatong balala nung shilem agiba ajanga ni ozü US linük tia tajungba meteta kümogo aser iba yongji, nüburtemi dang ni shimra, ni Tir tajung ka asütsü ta küsasa küdak temulung lema bilemer,” ta lai lemsatep.

You must be logged in to post a comment Login