US-i $ 6 mn teyari agütsüba asoshi pelar : Tibet PM

Dharamsala, December 21 (Agencies): US Congress-i India aser Nepal nung aliba Tibet nungertem yaritsü asoshi parnok 2016 küm indang budget nung sen million dollar 6 enokba atema Tibet Prime Minister-in-exile Lobsang Sangay-i Hombarnü pelaba lemsatepogo.
“Central Tibetan Administration-i US sorkar aser Congress-i Tibet nunger yaritsü asoshi mokoroi tenlaba atema kanga pelaba lemsateper,” ta Sangay-i sangdong ka ajanga metetdaktsü.
Congress budget bill nung shia aliba agi, “Tibet nunger sobaliba, terenlok, aser India o Nepal na nung aliba Tibet nungertem anitettsü asoshi tajemba agi sen million dollar 6 agi yaritsü.”
Taküm sen million dollar 6 enokba ya yaküm dang nungi noklang shilem agi timba lir.
India aser Nepal na nung aliba Tibet nunger yaritsü asoshi US sorkari yakümbo sen million dollar 3 ang parnok budget nung enoka liasü.
Tang exile ser aliba Tibet nunger ketdangpurtem Himachal Pradesh nung amenoka lir.