US-i Iraq nung Khristan & refugee tem indangindanga yaritsü

Washington, November 27 (Agencies): Middle East nung Khristantem yariba nung takok tulu ka nguogo aser ibaji US Congress-i Nineveh Plains ung aliba Christian units nem direct aid agütsütsü atema bill ka agizükba lir.
Tang tashi Christian forces aser Kurdish Peshmerga nungertemi osettsüset aser senotsü shitak mengui timtema aru kechiyong aid teimba ka Iraq sorkar dangi yok.
2018 National Defense Authorization Act yanglushiba nung Iraq dang Nineveh Plain nung aliba Sunni, Kurdish aser Christian teloktem den tanga telok tilatem nem prangpong-injang aser osettsüset agütsütsü tetuyuba agütsür.
Act yanglushiba nungsa U.S-i Nineveh Plain Council nung aliba teloktem nem arms, training aser nüngdakba osettem agütsütsü lateta lir .
2018 küm asoshi Iraq, Kurdistan Regional Government aser Christian teloktem nem military aid agütsütsü atema $1.3 billion shi benoka lir.
Taküm October ita U.S. Vice President, Mike Pence-i United Nations nem relief funds agüja arubaji reshikangshiba Khristantem indangindanga yaritsü atema USAID programs nem ang agütsütsü ta metetdaktsü.