US-i IS Commander metepset: SOHR

London, March 10 (Agencies): US mitkartemi par tayimtsü amshia taoba hopta amakdang Islamic State (IS) mitkar lenisang metepsetba osang Syrian Observatory for Human Rights (SOHR) teloki tanü, Brehostibar nü jangjashitsüogo.

“US mitkar tayimtsütem amshia amakba maparen nung Abu Omar al-Shishani mesüra ‘Omar the Chechen’ ta ajasang, Tarkhan Batirashvili metepset saka pa kanga mejungi yirutsüba osang jangjaogo. Batirashvili yiruba sülen pa IS tesepti, Raqqa-i anir oa idakji anepaluba osanga bushitetogo,” ta SOHR teloki metetdaktsü.

Batirashvili Syria northeast tsütsülen, al-Shaddadi jila anasa tepseter alitsü akok ta US mitkar lenirtemi tawa metetdakja liasü.

US-i taküm lia aputsü mesüra tespettsü asoshi kanga tongtipangsüa bushir kiralongrartem rong nung densemsang, Batirashvili apur mesüra pa aputsüsa osang tejangja metetdaktsürtem nem senpet sen dollar sen million 5 tashi agütsütsü asoshi US sorkari sangdonga lir.