Washington, September 30 (Agencies) : US-i Islamic State kübok Khorasan unit tanishir Hafiz Saeed Khan anema tenokdangba agütsüogo.
Hafiz Saeed Khan ya taoba mapang Taliban commander liasü.
ISIS-i Hafiz Saeed ya Khorasan unit nung emir inyaktsü shim. Iba telok ya Afghanistan aser Pakistan nung IS kongsang ka lir.
Khan-i iba tesem nung ISIS maparen tuluba nung inyaktsü atema tongti shilem agir. Pai kiralongrartem len anir aser tanga mapa ajak ketdangsüa inyaker, ta US Treasury Department-i metetdaktsü.
2015 tom ka nung Khan-i Kunar Province aser Nangarhar Province, Afghanistan nung ISIS atema inyaktsürtem shim aser Afghanistan anüolen ISIS kiralongrartem indang training camp ka lapoktsü atema senotsü agütsü, ta US Treasury Department-isa shisem.
Khan lenisüba nung ISIS kiralongrartemi Nangarhar Province nung district aika agiogo, ta parnokisa ashi.
April 18, 2015 nü Jalalabad City, Nangarhar Province nung nisung 33 tepsetba tatalokbaji ISIS-i inyak, ta Khan-i tenüng agiba metetdaktsüogo.
You must be logged in to post a comment Login