US-i Pak dang F-16 jet ayoktsü ajungshir: Zardari

Karachi, June 25 (Agencies): US-i Pakistan dang F-16 fighter jet tayimtsü ayoktsü tajungshiba olen ka taoba Pakistan Tir, Asif Ali Zardari-i US den benokogo.
US Senator aser US Senate Armed Services Committee mendenbuba, John McCain den US kübok Los Angeles yimti nung ajurutepa senden ka amendang Zardari-i iba onükji benokba osang angazükogo.
“Pakistan-i kiralongrar  anema takok ngua raratsü atema F-16 tayimtsü aser nisung memeni anüng nung yimdaktsüba drone tayimtsü nungdaker,” ta shia, Zardari-i par linük dang jet tayimtsü ayoktsüji ajungshia liasü.
Pakistan sorkari dollar sen million 699 jenjang aketba US nungi jet tayimtsü alizüktsü mapatong tamakok nung tembanga, Jordan linük nungi taoba mapang amshiba F-16 fighter jet tayimtsütem alizüktsü renemba osang ka Pakistan Advisor to Prime Minister, Nawaz Sharif-i sangoktsür anogo ishika lir külen Zardari-i tan McCain den tayimtsü ayoktsü tajungshiba onük ya benoker lir.