US-i Syria atema tenokdangba tasen kar metetdaktsütsü

Washington, April 8 (Agencies) : US Treasury Secretary, Steve Mnuchin-i, US-i memunui Syria anema tenokdangba kar metetdaktsütsü, ta ashiba osangbenertemi ashi.
“Syria nung lendong tapu balala atalokba anendaktsütsü nükjidong nung onoki ano tenokdangba tasen kar metetdaktsütsü,” ta Hokolbarnü Mnuchin-i ashiba osang ajanga metetdaktsü.
“Tang metetdaktsütsü aliba tenokdangbatem jagi Syria den shishilembartem aser kechisarena amalitepa inyakertem asoshi temelenshi ka bener arutsütsü,” ta pai shisem.
Syria nung miim amshia amak dang nisung 80 dak tema tepsetba mapang amshiba tayimtsü anemba tesem ka US-i amakba sülen anogo ka lir külen iba tenokdangba osang metetdaktsütsü osang sangoktsü.
Mnuchin-i kechisa nokdangtsü itemji mashi saka memunui metettsü ta ashi.

Mnuchin-i, “Iba ama nokdangba ya kanga nüngdak aser tongtibang ta onoki agir, anungji iba ya akok tashi amshitsü” ta ashi.