US-i Ukraine mitkar nem terenemshiba agütsütsü

Washington, July 25 (Agencies): Ukraine sorkar anemertem madak takok ngua tongpang raradaktsütsü nükjidong nung Ukraine sorkar mitkartem nem tongpang raratsü terenemshiba agütsütsü maparen tuluba küma inyaktsü lemtetba osang ka US Tir, Barack Obama-i aniba sorkari metetdaktsüogo.
US mitkartemi tang Ukrainian National Guard (UNG) mitkartem nem tongpang raratsü terenemshiba agütsütsü tenzüka lir.
Aji oda, tanüngba Ukraine mitkartem nem taküm küm tatembanglen nungi tenzüka Ukraine anülulentip tsütsü Poland arrtsülen tongpang raratsü terenemshibarenji tuluba küma agütsütsü renemogo.
“Ukraine mitkartem nem tongpang raratsü terenemshibaren agüjaka, par linük nem tongpang nung amshitsü osettsüset agüja yaritsü sentongbo ozü US-i tanü tashi renema mali,” ta State Department otongdar, Mark Toner-i metetdaktsü.