US lanurtemi Facebook dang nungi Instagram, Snapchat tamshinüba

April 22, 2017 (Agencies): Bushisüngdang tasen ka ajanga ngutetba agi, US nung lanurtem rongnung Facebook masü saka iba indang nüngtugu app ‘Instagram’ aser Snapchat na social media rongnung nüngtuguba kümogo.
University of Chicago nung Associated Press-NORC ajanga bushisüngdangba nung ngutetba agi, America nung arishi küm 13-17 tashi nung aliba lanurtem shilem 75-i Instagram amshir, shilem 71-i Snapchat amshir aser shilem 66-i dang Facebook amshir. 2015 küm ‘Pew Research Center data’ ajanga sayuba agibo US lanur shilem 71-i Facebook amshia liasü.
“Lanutemi tablet, desktop aser laptop amala device amshiba to tejen otsü ka amai kümogo,” ta co-author Amanda Lenhart-i ashi.
Lanurtem rongnung shilem 91-i parnok mobile phone tem nung teti amshiba text messaging tool tem amshir aser parnok rongnungi shilem 40-i Kik, WhatsApp mesüra Line amala messaging application tem parnok smartphone nung amshir.
Maneni lanurtem Shilem 47 shi-i Twitter amshir aser shilem 30 dak nungi tajembai Tumblr, Twitch mesüra LinkedIn amshir, ta bushisüngdang ajanga metetdaktsü.
Bushisüngdang ajanga maneni ashiba agi, America nung lanurtem rongnung desktop computer amshirtem dang nungi tablet amshir timba kümogo. Tablet computer amshir shilem 68 aser desktop amshir shilem 54 lir.
Lanurtem rongnung internet amshitsü atema Laptop amshir shilem 80 aser smarthphone amshir shilem 89 lir.