US nungeri aibelena sepaitem tepset

Baghdad, Jan 27 (Agencies) : Tanü Honibarnü US nungeri tayimtsü amshia temulung malem bilemba tesem ka amakdang sepaitem teimba ser Iraq nunger ti tepset saka ibaji aibelena inyakba maparen liasü, ta provincial official ajanga metetdaktsü.
US nungeri Iraq anüolen tsütsü aliba jila ka tenüng agi Al-Baghdadi nung amakdangji senior intelligence official ka, police pongu aser tetsür ka densema ajak agi nisung ti tepset, ta ketdangser jagisa ashi.
Baghdad yimti nungi anüolen tsütsü mile 160 shi pilar Ain al-Asad airbase den atongtepa aliba Euphrates Valley town nung amakba indang jembidang paisa ashiba agi, “Ibaji aibelena inyakba maparen ka liasü.”