US Open 2015: Djokovic o Cilic na semifinal asayatsü

New York, September 09 (Agencies): Tebur World No. 1, Novak Djokovic-i Spain nunger Feliciano Lopez madak quarterfinal asaya koka tang tasayadak US Open 2015 tebur singles semifinal asayatsü jenjang yashi Mongolbar nü nguogo.
Yashi points 6-1, 3-6, 6-3, 7-6 (7/2) ngua takok angubaji Serbia nunger Djokovic-i atonga 26 buba Grand Slam quarterfinal asaya aser New York nung ayongba asaya 55 buba akoker lir.
2015 Australian Open aser Wimbledon champion, Djokovic-i Croatia nunger Marin Cilic den tan Hokolbar nü semifinal asayatsü.
Defending champion, Cilic-ia yashi points 6-4, 6-4, 3-6, 6-7 (3/7), 6-4 ngua France nunger Jo-Wilfried Tsonga quarterfinal nung tsükdaktsüba sülen semifinal nung shilem agitsü jenjang angu.
Ano külen, India tsür Sania Mirza aser la den külemi asayala, Switzerland tsür Martina Hingis natia quarterfinal asaya akokba sülen tetsür doubles shilem indang semifinal asayatsü jenjang anguba osang jangjaogo.
Tetsür doubles tarensen nung World No.1 jenjang abener, Mirza o Hingis nati yashi minute 85 nung points 7-6(5) 6-1 ngua Chinese Taipei tsür Yung-Jan Chan o Hao-Ching Chan na quarterfinal asaya nung tsükdaktsü.
Sania o Hingis nati Italy tsür Sara Errani aser Flavia Pennetta na den semifinal nung ajuruteptsü.