US Open: Ajay Jayram-i tanabuba round tongogo

Fullertron, Aami 14 (Agencies): US Open World Tour Super 300 asayamung tebur kija badminton asaya nung India nunger Ajay Jayaram-i Korea nunger Yun Kyu Lee madak takok ngua tanabuba round tongtetogo.
Fullerton Titan Gym nung asayar ana tsüngda mezüngbuba round kanga toktepba asaya liasü aser iba nung Jayaram-i kanga dang meranga asaya pai Lee madak 26-24, 17-21, 21-13 agi takok angu.
Taoba küm Senior National Championship asayamung nung Jayaram temang nung timtem ajuruba sülen nungi asayamung aika nung pai shilem magitetti aruogo.
Taoba World No. 13 Jayaram-i seed 8buba nung alisang Brazil nunger Ygor Coelho den tanabuba round asayatsü jangjaogo.
Kasa asayamung tetsür kija asaya nung Canada tsür Rachel Honderich-i India tsür Anura Prabhudesai madak 21-9, 21-17 agi takok nguogo.
Tebur tarep tetoktepba nung India nunger Manu Attri aser B Sumeeth Reddy nati walkover aguja Indonesia nunger Rahmat Adianto aser Rangga Yave Riano nati asaya koktet.