US Open : Cilic, Murray, Federer & Kvitova nungertemi takok angu

New York, September 06 (Agencies): Croatia nunger taoba mapang takok angusang, Marin Cilic tang tasayadak US Open nung quarter-final tongogo. Tan ya zünga pai US Open nung quarter-final pezüben buba atonger asütsü. Pai Deobar nü 6-3, 2-6, 7-6 (7/2) 6-1 ngua France nunger Jeremy Chardy akokba ajanga quarter-final tongtetogo.
Cilic ya tang tennis asayar tajungtiba tarensen 9 buba nung lir. Pai New York nung yaküm mezüng Grand Slam abenba sülen tan agi atonga atonga asaya 11 kokogo.
Deobar nü asaya tanabuba set nung pa tetsüng teloktep lokpetba ajanga khen timtema liasü.
Quarter-final nunga pa France nunger Jo-Wilfried Tsonga mesüra Benoit Paire na rongnung ka den asayatsü.
Andy Murray-a mapang talang ka sülen Honibar nü 6-3, 6-2, 7-5 agi Brazil nunger Thomaz Bellucci mela mela koka liasü. Pa iba sülen Austria nunger Dominic Thiem akoksang South Africa nunger Kevin Anderson den asayatsü.
World no 1, Roger Federer-i 6-3, 6-4, 6-4 ngua Germany nunger Philipp Kohlschreiber 10 ben buba koka quarter-final tongogo.
Pa quarter-final nung John Isner den asayatsü.
Ano tetsürtem asaya nung World no 2, Simona Halep-i 6-2, 6-3 ngua America tsür Shelby Rogers akokba sülen round pezübubai tongtetogo.
No. 5 Petra Kvitova-i 6-2, 6-1 ngua Slovakia tsür Anna Karolina Schmiedlova koka round pezübuba tongogo.
Azarenka-i 7-5, 2-6, 6-4 agi America tsür Varvara Lepchenko akokba ajanga laa round pezübubai iogo.
Britain nungi Johanna Konta-i 7-6 (2), 6-3 ngua Gernmany tsür Andrea Petkovic koka Grand Slam nung tan mezüng round pezübuba tongtetogo.