US Open: Djokovic 4 buba round-i iogo

New York, September 05 (Agencies): Serbia nunger Novak Djokovic-i Italy nunger Andreas Seppi tsükdaktsüba sülen tang tasayadak US Open asayamong tebur singles shilem indang 4 buba round asayatsü jenjang yashi Hokolbar nü ajangzükogo.
Tebur World No. 1 Djokovic-i yashi points 6-3 7-5 7-5 ngua Seppi tsükdaktsüba sülen Spain nunger Roberto Bautista Agut den 4 buba round asayatsü lemzükogo.
Defending champion, Marin Cilic-ia 56 buba jenjang nung alisang, Kazakhstan nunger Mikhail Kukushkin tsükdakja 4 buba round-i aiba osanga jangjaogo.
Ghonda 4 shi nung points 6-7(5) 7-6(1) 6-3 6-7(3) 6-1 ngua takok angusang, Croatia nunger Cilic-i France nunger Jeremy Chardy den taruba asaya nung ajuruteptsü.
Ajisüaka, Spain nunger Rafael Nadal-i yashi tamakok ajurua liasü.
Tan asayamong nung 32 buba abensang, Italy nunger Fabio Fognini-i points 3-6, 4-6, 6-4, 6-3, 6-4 ngua taoba mapang Grand Slam takok marok 14 tashi agizüksang, Nadal buba round nung tsükdaktsü.
Tetsür World No. 1 Serena Williams-ia points 3-6, 7-5, 6-0 ngua külem sensotsür Bethanie Mattek-Sands tsükdaktsüba sülen tetsür singles shilem indang 4 buba round asayatsü jenjang nguogo.
Taoba mapang US Open takok marok 3 ben tashi agizüka alila, Serena-i külem sensotsürsa, Madison Keys den 4 buba round asayatsü lemzükogo.
Serena teyi, arishi küm 35 tain Venus Williams-ia points 6-3, 6-4 ngua Switzerland tsür Belinda Bencic 3 buba round nung tsükdaktsüba sülen Estonia tsür Anett Kontaveit den taruba asaya nung ajuruteptsü lemzüka lir.
Ajisüaka, India nunger Leander Paes aser Sania Mirza nati yashi tamakok ajuruba osang jangjaogo.
America nunger Steve Johnson aser Sam Querrey nati points 7-5, 4-6, 6-3 ngua Peas aser Fernando Verdasco na tebur doubles shilem indang 2 buba round nung tsükdaktsü.
Czech Republic asayar, Andrea Hlavackova aser Lukasz Kubot nati points 6-3, 6-3 ngua Mirza o Bruno Soares nata mixed doubles shilem indang 2 buba round asaya nung tsükdaktsüba osang jangjaogo.