US Open: Djokovic o Nadal na 4 buba round-i iogo

New York, September 03 (Agencies): Defending champion, Novak Djokovic aser Spain nunger tennis asayar mongin, Rafael Nadal nati takok ngua, tang tasayadak 2016 US Open tennis asayamong tebur singles 4 buba round-i yashi, Hokolbar nü iogo.
Tan asayamong nung temaba jenjang abensang, Djokovic-i 1 buba set nung points 4-2 agi takok ngua asayaba sülen Russia nunger Mikhail Youzhny tetsüng yirua asaya tembanga masayatettsüsa akümba yong Djokovic-i asayaji akoktsü jenjang ajangzük.
Serbia nunger Djokovic-i 2 buba round asaya nunga Czech Republic nunger Jiri Vesely madak walkover takokba ngua liasü.
Djokovic-i par 4 buba round points 6-4, 3-6, 6-2, 7-6 (7/5) agi America nunger John Isner madak takok angusang, Britain nunger Kyle Edmund den asayatsü.
Taoba mapang champion akümtsü jenjang anaben tashi ajangzüksang, Nadal-ia points 6-1, 6-4, 6-2  agi Russia nunger Andrey Kuznetsov madak takok ngua 4 buba round-i aiba osang jangjaogo.
Tan asayamong nung 4 buba jenjang abensang, Nadal-i France nunger Lucas Pouille den 4 round asayatsü lemzükogo.
24 buba jenjang abensang, Pouille-ia points 3-6, 7-5, 2-6, 7-5, 6-1 agi Spain nunger Roberto Bautista Agut 3 buba round nung tsükdakja liasü.
Ano külen, India tsür, Sania Mirza aser Croatia nunger Ivan Dodig nati points 6-4, 6-4  agi America asayar, Taylor Townsend aser Donald Young na tsükdaktsüba sülen mixed doubles 2 buba round-i iogo.
Rohan Bopanna aser Canada tsür, Gabriela Dabrowski natia points 7-5, 6-4 agi America asayar Noah Rubin aser Jamie Loeb na madak takok ngua mixed doubles 2 buba round asayatsü jenjang angu.
Ajisüaka, Leander Paes aser Germany nunger Andre Begemann nati points 6-2, 5-7, 4-6 ngua par tebur doubles 1 buba round asaya nung France nunger Stephane Robert aser Israel nunger Dudi Sela na nem kokdaktsüba osang jangjaogo.
America nunger Brian Baker aser New Zealand nunger Marcus Daniell natia points 6-2, 7-6 agi India nunger Bopanna aser Denmark nunger Frederik Nielsen na tebur doubles 2 buba round asaya nung tsükdaktsüba sülen 3 buba round asayatsü jenjang ajangzükogo.