US Open: Marin Cilic 3 buba round-i iogo

New York, September 03 (Agencies): Defending champion, Marin Cilic-i Russia nunger Evgeny Donskoy madak 2 buba round asaya koka tang tasayadak US Open asayamong tebur singles shilem indang 3 buba round asayatsü jenjang yashi Bodbar nü ajangzükogo.
Croatia nunger Cilic-i yashi points 6-2 6-3 7-5 ngua Donskoy 2 buba round nung tsükdaktsü.
Tan asayamong nung 9 buba jenjang abensang, Cilic-i Tomas Berdych quaterfinal nung, Roger Federer semifinal nung aser Kei Nishikori final nung tsükdakja 2014 US Open takok marok agizüka liasü.
Spain nunger David Ferrer-ia points 7-5 7-5 7-6(4) ngua Serbia nunger Filip Krajinovic madak 2 buba asaya akokba aser Canada nunger Milos Raonic-i points 6-2 6-4 6-7(5) 7-6(1) agi Spain nunger Fernando Verdasco madak 2 buba round asaya koka 3 buba round-i aiba osang jangjaogo.
Tan asayamong nung temaba jenjang nung alila, Serena Williams-ia Netherland tsür Kiki Bertens 2 buba round nung tsükdakja tetsür singles shilem indang 3 buba round asayatsü jenjang nguogo.
Tetsür World No. 1 Serena-i minute 92 nung points 7-6 (7/5), 6-3 ngua 110 buba jenjang nung alila, Bertens madak takok angu.
Grand Slam takok marok agizüker rong nung tantsütila, arishi küm 33 tain Serena-i külem sensotsür Bethanie Matteck-Sands den 3 buba round nung ajuruteptsü.
India nunger Leander Paes aser Switzerland tsür Martina Hingis natia 1 buba round asaya akokba sülen mixed doubles shilem indang 2 buba round asayatsü jenjang ngua lir.
Tan asayamong nung 4 buba jenjang abener Paes o Hingis nati minute 46 nung points 6-2, 6-2 ngua Britain nunger Taylor Harry Fritz aser külem sensotsür C Lui na 1 buba round nung tsükdaktsü.
Tenati Australia nunger Nick Kyrgios aser Canada tsür Eugenie Bouchar aser Netherlands nunger Artem Sitak aser Ukraine tsür Elina Svitolina na rong nung takok angur den 2 buba round asayatsü.