US Open: Mirza o Hingis na quarterfinal-i iogo

New York, September 07 (Agencies): India’er tetsür tennis asayar mongin, Sania Mirza aser la den külemi asayala, Switzerland tsür Martina Hingis nati 3 buba round asaya koka tang tasayadak US Open tetsür doubles shilem indang quarterfinal asayatsü jenjang tanü Hombar nü ajangzükogo.
Temaba jenjang nung alir Mirza o Hingis nati tanü minute 59 nung points 6-3 6-0 ngua 13 buba jenjang nung alir Netherlands tsür, Michaella Krajicek aser Czech Republic tsür Barbora Strycova na ayong ayonga tsükdaktsü.
Tenati Chinese Taipei tsür, Yung-Jan Chan aser Hao-Ching Chan na den quarterfinal nung ajuruteptsü.
Yung o Hao natia tanü points 5-7 6-1 7-6 (4) ngua Romania tsür, Irina-Camelia Begu aser Raluca Olaru na madak 3 buba round asaya akok.
Tebur World No. 1 Novak Djokovic-ia Spain nunger Roberto Bautista Agut madak 3 buba round asaya akokba sülen Grand Slam quarterfinal 26 buba nung shilem agitsü jenjang nguogo.
Serbia nunger Djokovic-i tanü points 6-3 4-6 6-4 6-3 ngua Agut tsükdaktsü.
Djokovic-i Italy nunger Fabio Fogini madak points 6-3 7-6(5) 6-1 agi akoksang, Spain nunger Feliciano Lopez den quarterfinal asayatsü lemzükogo.
Tetsür defending champion, America tsür Serena Williams-ia teyi, Venus Williams den tetsür singles shilem indang quarterfinal asayatsü jenjang ajangzüka lir.
Arishi küm 35 tain Venus-i minute 50 nung points 6-2 6-1 ngua Estonia tsür Anett Kontaveit tsükdakja quarterfinal-i ai aser Serena-ia minute 68 nung points 6-3 6-3 ngua külem sensotsür Madison Keys madak takok ngua quarterfinal asayatsü jenjang angu.
Tenati tanü tashi nung 26 ben tashi ajurutepa asayadang, Serena-i 15 ben tashi takok ngua lir.