US Open: Pavic o Siegemund nati mixed doubles takok marok agizükogo

New York, September 10 (Agencies): Croatia nunger Mate Pavic aser Germany tsür, Laura Siegemund nati final asaya koka, tang tasayadak 2016 US Open mixed doubles takok marok yashi, Hokolbar nü agizükogo.
Pavic o Siegemund nati yashi points 6-4 6-4 agi US asayar, Rajeev Ram o Coco Vandeweghe na final asaya nung tsükdakja takok marokji agizük.
Tan takok marok agizükba ya Pavic o Siegemund nati tan mezüngsüa Grand Slam takok marok agizüker lir.
“Ni asayar tajung ka ajurushiogo. Pavic ama asayar tajung den aroki lungjemer asayaba ajanga ni tan tongti takok marok agizüktsüsa jenjang tajung nguogo,” ta Siegemund-i metetdaktsü.
Tan mezüngsüa aroki lungjemer asayar, Pavic o Siegemund nati takok marok agizükba den külemi, tenati senpeta dollar sen 150,000 tena tsüngda sadanga agitsü jenjang tajung nguogo.