US Open: Praneeth pre-quarter-i iogo

El Monte, July 07 (Agencies): Taoba hopta Canada Open Grand Prix takok marok agizüksang, B Sai Praneeth densema, India nunger badminton asayar 6 tashi takok ngua tang tasayadak US Open Grand Prix Gold badminton asayamong tebur singles pre-quarterfinal asayatsü jenjang tanü, Brehostibar nü ajangzükogo.
Tebur singles shilem nung Praneeth-i points 21-15 21-7 agi Canada nunger B R Sankeerth tsükdaktsüba sülen Japan nunger Kazumasa Saki den pre-quarter asayatsü jenjang angu.
Tan asayamong nung 5 buba jenjang abener, H S Prannoy-ia points 21-9 21-8 agi Ireland nunger Joshua Magee koka Korea nunger Lee Hyun Il den taruba asaya asayatsü lemzükogo.
Pratul Joshi-i points 21-18 21-13 agi Czech Republic nunger Milan Ludik madak takok anguba sülen külem sensopur, Anand Pawar den pre-quarter asayatsü.
Anand-ia points 21-12 21-9 agi Austria nunger David Obernosterer madak takok ngua liasü.
Tan asayamong nung 4 buba jenjang abener, Ajay Jayaram-i points 21-14 21-9 ngua Estonia nunger Raul Must tsükdaktsüba sülen Portugal nunger Pedro Martins den taruba asayatsü asayatsü lemzük.
Tetsür singles shilem nunga Tanvi Lad aser Ruthivika Shivani Gadde nati takok ngua pre-quarter asayatsü jenjang angu.
Ano, Manu Attri o B Sumeeth Reddy na aser Jwala Gutta o Ashwini Ponnappa nati pei asaya koka tebur aser tetsür doubles pre-quarterfinal asayatsü jenjang anguba osang angazükogo.

You must be logged in to post a comment Login