US Open: Roger Federer 3 buba round-i iogo

 

New York, September 04 (Agencies): Taoba mapang Grand Slam takok marok 17 tashi agizüksang, Roger Federer-i Belgium nunger Steve Darcis madak takok ngua US Open asayamong tebur singles shilem indang 3 buba round asayatsü jenjang yashi Brehostibar nü nguogo.

Tebur World No. 2 Federer-i minute 80 nung points 6-1, 6-2, 6-1 ngua Darcis ayong ayonga tsükdaktsü.

Switzerland nunger arishi küm 34 tain Federer-i tan asayamong nung 29 buba jenjang abensang, Germany nunger Philipp Kohlschreiber den 3 buba round asayatsü lemzükogo.

2012 US Open takok marok agizüker, Britain nunger Andy Murray-ia points 5-7, 4-6, 6-1, 6-3, 6-1 ngua France nunger Adrian Mannarino akokba sülen tan asayamong nung 30 buba nung alisang, Brazil nunger Thomaz Bellucci den 3 buba round asayatsü jenjang nguogo.

Arishi küm 28 tain Murray-i yashi ace 21 tashi yanglua takok angu.

Britain tsür, Johanna Konta-ia US Open asayamong nung asaya talangba asayaba otsü yanglua Venezuela tsür Garbine Muguruza akokba sülen tetsür singles shilem indang 3 buba round asayatsü jenjang ajangzüka liasü.

Konta-i ghonda 3 ser minute 23 nung points 7-6 (7/4), 6-7 (4/7), 6-2 ngua takok angu.

India nunger Leander Paes aser pa den külemi asayasang, Spain nunger Fernando Verdasco natia ghonda 1 ser minute 2 nung points 6-2, 6-3 ngua Germany nunger Florian Mayer aser Frank Moser na tebur doubles shilem indang 1 round nung tsükdaktsüba osang jangjaogo.