US Open: Serena 2 buba round-i iogo

New York, September 01 (Agencies): Taoba mapang takok marok 3 ben tashi agizükba America tsür, Serena Williams-i Russia tsür, Vitalia Diatchenko madak 1 buba round asaya koka tang tasayadak US Open tetsür singles shilem indang 2 buba round asayatsü jenjang yashi Hombar nü ajangzükogo.
Defending champion aser tetsür World No. 1, Serena-i yashi minute 30 nung points 6-0, 2-0 ngua 86 buba jenjang nung alila, Diatchenko tsükdaktsüba sülen Netherlands tsür, Kiki Bertens den 2 buba round asayatsü lemzükogo.
Tebur singles shilem nunga Serbia nunger Novak Djokovic aser Spain nunger Rafael Nadal nati takok ngua tanabuba round asayatsü jenjang nguogo.
Ajisüaka, 2014 US Open tebur singles shilem nung tanabuba jenjang angusang, Japan nunger Kei Nishikori-ibo yashi tamakok ajurua asayamong nung joko shilem magitettsü jenjang tamajung ajurua liasü.
Tebur World No. 1, Djokovic-i yashi ghonda 1 ser minute 11 nung points 6-1, 6-1, 6-1 ngua Brazil nunger Joao Souza tsükdaktsüba sülen Austria nunger Andreas Haider-Maurer den 2 buba round nung ajuruteptsü jenjang angu.
Nadal-ia points 6-3, 6-2, 4-6, 6-4 agi Croatia nunger Borna Coric madak takok anguba sülen Argentina nunger Diego Schwartzman den 2 buba round asayatsü lemzükogo.