US Open Squash : Dipika Pallikal & Joshana Chinappa nati takok angu

Philadelphia, October 12 (Agencies) : Philadelphia nung Delaware Investments US Open squash asayamung nung India nunger squash tetsür asayar mongin ana – Dipika Pallikal o Joshana Chinappa na round tanabubai iogo.
Dipika-i Joelle King aser Joshana-i Annie Au madak takok angu, saka India nunger tebur asayar tajungtiba Saurav Ghosal-i yasüng mezüngbuba round nung tamakok angu.
Dipika ya alima nung jenjang 19 buba nung lir aser lai taoba world number 4, New Zealande tsür Joelle madak takok angu.
Dipika aser Joelle na game 5 tashi asaya aser tatem nung Dipika-i 8-11, 13-11, 5-11, 11-7, 11-9 agi akok. Taruba asayaji lai England tsür Alison Waters den asayatsü.
Ano, World No. 20 Joshana-i Annie den asayadang 11-6, 11-7, 12-10, agiu takok angu. Lai taruba asayaji Egypt tsür Omneya Kawy den asayatsü.
India nunger tebur asayar Saurav-i France nunger Gregory Gaultier den asaya saka Gregory-i 11-5, 11-6, 12-10 agi takok angu.