US Special Force-i Al Qaeda telungpur 8 khaset

Sanaa, January 29 (Agencies) : Deobarnü US Special Force temi Yemen al-Bayda province kübok yimtsüng ka kanga junga mita aoba mapang Ai Qaeda telungpur 8 aser civilian 12 khaset, ta osangbenertemi metetdaktsü.
Al Qaeda lenir tain ka tenüng agi Abdul-Raoof Dhaha-i, “Kü adianu ana aser külem telungpur pungu sepaitemi mita aruba mapang khasetogo. Parnoki iba mita aruba sentong ya iba yimtsü nung aliba ketdangsertem aser military ketdangsertem den lokteper agi,” ta osangbenertem dang ashi.
Iba mita aoba mapang tetsür 4 aser tanur chanu 3 dena civilian 12 khaset.
Yimtsüng nung aliba nüburtemi ashiba agi, iba amakba mapang military tayimtsü pezüi shilem agi aser itemji yim kolak dang gondha aika yimzüa liasü.
Helicopter nungi commando tem alua Al Qaeda telungpurtem aliba kitem makbang, ta Yemen intelligence agency ajanga osang tejangja metetdaktsüogo.
Iba amakba mapang America nunger sepaitema karbo yiruogo, ta parnokisa ashi.