US Tatong Tir, Biden-i Jordan chuba, King Abdullah den ajuruteper

Amman, March 10 (Agencies): US Tatong Tir, Joe Biden-i Jordan chuba, King Abdullah II den tanü, Brehostibar nü ajurutepa senden menogo.

Biden-i United Arab Emirates, Israel aser Palestine semdanga senzüba sülen Mideast semdangtsüren tembanga tan Jordan semdanger lir.

Biden aser Abdullah nati Amman yimti kübok Husseiniya Palace nung tanü ajurutepa senden amenba sülen Jordan aser US mitkartemi loktepa agiba tongpang raratsü terenemshiba sentong nunga adenba osang jangjaogo.

Kidangsüa aliba Syria aser Iraq na lushi tulubaka tashiyim agi agia aliba kiralongrar telok tetsüti, Islamic State (IS) anema rarabaren nung US den amalitepa tongti shilem agir, Jordan nem US-i tongpang nung amshitsü osettsüseta agüja yariba osang bushiteta lir.

US-i Jordan nem Blackhawk helicopter tayimtsü 8 tashi taoba hopta agütsüba sülen par linük nem maneni Blackhawk tayimtsü 8 tashi agütsütsü asoshi renemba osang angazükogo.