US Tatong Tir, Biden-i Turkey semdangtsü

Istanbul, August 21 (Agencies): US Tatong Tir, Joe Biden-i taruba hopta Turkey semdangtsü sentong renemba osang ka Turkey Tir, Recep Tayyip Erdogan-i tanü, Deobar nü metetdaktsüogo.
“Biden-i tan August ita 24 nü ozü linük semdangtsü aser idangji Turkey mitkar telok kati linük indang yimsüsütsü tashi tashiyim agi agitsü merangtsüsa ajungmesosang, Fethullah Gulen den sentakba onük tongtipangsüa benoka jembitsü sentong lir,” ta pai ashi.
US kübok Pennsylvania nung jenoka alisang, arishi küm 75 tain Gulen par Turkey nem amoktsütsü  asoshi Erdogan-i US sorkar den takhangba benoka lir.
“Mitkar telok kati linük indang yimsüsütsü tashi tashiyim agi agitsü merangba sülen ozü Turkey aser US na tsüngda tesendaktep taoba mapang amabo junga mali,” ta Erdogan-i tanü osangbener den Istanbul yimti nung ajurutepdang sangoktsü.
Turkey mitkar teloki linük indang yimsüsütsü tashi tashiyim agi agitsü merangdang nisung 300 shi tepsetba osang bushitetogo aser Turkey sorkaria tanü tashi nung linük indang yimsüsütsü tashi tashiyim agi agitsü merangba ken o nung ajemdaker nisung 3,500 shi pua merenshiba osang bushiteta lir.