US teloki 2016 World Chess Olympiad gold medal agizükogo

Baku, September 13 (Agencies): US teloki temaba jenjang ngua, 2016 World Chess Olympiad open tetoktepba gold medal tanü, Mongolbar nü agizükogo.
US sülen anidaka, Ukraine teloki silver aser tan asayamong nung temaba jenjang abener, Russia teloki bronze medal agizüka liasü.
Tetsür tetoktepba nung China tsürtemi gold, Poland tsürtemi silver aser Ukraine tsürtemi bronze medal agizükba osanga jangjaogo.
Open tetoktepba nung India teloki 4 buba jenjang aser tetsür tetoktepba nung India tsürtemi 5 buba jenjang ngua, takok marok tera agi dang magizükteti maongka tajung süidaktsü.
Ajisüaka, tekübokba jenjang nung alir teloktemi imlaba dang nungi tajungba shilem agiba shilem nung Iran, Azerbaijan, Sudan aser Chinese Taipei nunger den densema, India telokia medal agizükba osang jangjaogo.
Tanü tatembangba round asaya nung US teloki Canada telok tsükdakja temaba jenjang angu, Ukraine teloki Slovenia telok koka tanabuba jenjang aser Russia teloki Italy telok madak takok ngua tasembuba jenjang ngua liasü.