US Tir, Barack Obama-i Argentina linük semdanger

Argentina foreign minister, Susana Malcorra aser US’er Argentina ambassador, Betina Pasquali de Fonseca nati US Tir, Barack Obama aser par kibong Argentina kübok Buenos Aires tayimtsü anendak pela agizükba noksa nung angur. (Buenos Aires, March 23)

Buenos Aires, March 23 (Agencies): US Tir, Barack Obama-i Argentina tonga tanü, Bodbar nü aoba osang jangjaogo.

Par US aser Argentina linük na tsüngda tesendaktep tajungba küma yanglushitsü nükjidong nung Obama-i tan anogo 2 agia Argentina semdanger lir.

Par linük ana tsüngda tesendaktep mejungi arur külen Argentina Tir tasenba, Mauricio Macri-i yaküm December ita nungi tenzüka Tir menden benokba sülen US aser Argentina na tsüngda taoba mapang nungi tang tesendaktep tajungba akümtsü tenzüka lir.

Obama aser par kibongi Buenos Aires yimti tonga aoba sülen Argentina foreign minister, Susana Malcorra-i parnok agizüka Buenos Aires nung tentetba US ambassador’er kidangi anir ao parnok idakji anisüngzükdaktsü.

Obama-i tanü Macri den ajurutepa senden ka amenba sülen Buenos Aires Metropolitan Cathedral semdanga idakji narokzük yutsüba aser lanur shishilembartem den senden ka amenba osanga jangjaogo.

France Tir, Francois Hollande aser Italy Ato Kilonser, Matteo Renzi natia tawa Argentian semdangba osang jangjaogo.

Marci-i Argentina Tir menden benokba sülen tanü tashi nung par shishilembatsü jenjang tajungba kümdaktsüba osanga bushiteta lir.

Obama-i par kibong den külemi, US tongti shishilembar telok ka anisemer tan Argentina semdanger lir.