US Tir rongnung tamajungtibaji Trump asütsü: R.R. Martin

Los Angeles, November 10, 2016 : “Game Of Thrones” zülusang George R.R. Martin-i, America nungeri shimba Tir rongnung tan tamajungtiba lir, ta ashi.
“Tir menden atema majority party-i shimsang Donald Trump ji tanga candidate tem dang nungi azüng zülu kanga ajema aliba candidate ka lir. January ita nungi pa linük nung Tir tamajungtiba ta meteta arutsü aser alima sabang nunga kecha mapa nunga akanga aser nendaka meinyakba, lendong aketba nisung ka asütsü,” ta Martin-i ashiba ew.com osang ajanga metetdaktsü.
“House aser Senate naprong nung kanga ajema aliba Democrats party-i pa mapa melenshitsütsü tashi malitsü. Taruba küm pezü asen lima kanga mejungi alitsü,” ta pai ashi.
“Tang kü mulung nung bilemba rasaa ashitsü kecha o mali…America-i jembiatokogo. Ni asenok iba dang ya tajungba asütsü amaisa bilema liasü, saka yamaji masü,” ta arishi küm 68 tain, kaketzülusangi ashi.
Tan US Tir election mapang Martin ya Hillary Clinton kanga tashi ita nungiter aser Trump-i jembibatem kanga junga asadanger nisung ka liasü.