US Tir shimba atema Modi-i Donald Trump nem tenüngsang agütsü

New Delhi, November 09 (Agencies): Tanü Ato kilonser, Narendra Modi-i Donald Trump-i US Tir election nung takok anguba atema tenüngsang agütsüba den külemi pai, India-US tesentaktep jenjang ano tali tajungba akümtsü atema pa den külemi inyaktsü yongyar, ta metetdaktsü.
Modi-i twitter ajanga, “45buba US Tir shimba atema tenüngsang agütsür@realDonaldTrump,” ta lemsatep.
Ato kilonserisa, linük ana tesentaktep jenjang ano tali tajungba akumtsü atema Donald Trump den külemi inyaktsü linüki yongyaa atar, ta metetdaktsü.
“India-US tesentaktep jenjang tajungba akumtsü atema onoki nü den külemi inyaksemtsü yongyaa atar,” ta Ato kilonseri ashi.
“Nai nüboyimba mapang India den nai tembar ayimba atema nü dang pelar @realDonaldTrump,” ta Modi-isa twitter ajanga ashi.
Tanü Republican candidate Donald Trump-i Democratic candidate, Hillary Clinton madak takok ngua 45buba US Tir menden atema shimogo.
US Tir menden atema sangküm January 20 nü Trump-i tenangzükba agitsü.