US tsürtemi SheBelieves Cup kokogo

Germany telok madak goal 2-1 agi final asaya koka SheBelieves Cup asayamong takok marok agizükba sülen United States tetsür football telok pelatepa noksa nung angur. (Boca Raton, March 10)

Boca Raton, March 10 (Agencies): US’er tetsür football asayar teloki goal 2-1 agi Germany tsürtem madak takok ngua SheBelieves Cup takok marok yashi, Bodbar nü agizükogo.
Linük 4-i shilem agiba football asayamong nung tetsür World Cup champions, America tsürtemi ajak agi points 3-0-0 ajangzüka temaba jenjang angu aser par telok sülen anidaka, Germany tsürtemi points 2-1-0 ajangzüka tanabuba jenjang angu.
Yashi asaya tenzüker minute 29 buba nung Anja Mittag-i goal 1 agüja par Germany telok temaba jenjang nung ajungkettsü.
Iba goal-ji US tsürtemi yaküm, 2016 küm December ita 16 nü China nem goal 1-0 agi kokdaktsüba sülen tan mezüngsüa par telok nem goal agütsüdaktsür liasü.
Ajisüaka, Alex Morgan aser Samantha Mewis nati asaya tenzüker minute 35 buba aser 41 buba na nung goal kaka agütsüba yong par teloki goal 2-1 agi temaba jenjang ngua final asayaji kokadok.
Tan asayamong nung US goalkeeper, Hope Solo goalkeeper tajungtiba shima la nem Golden Gloves sempet agütsü.