US VP, Biden-i Serbia linük semdangtsü

Washington, August 10 (Agencies): US Tatong Tir, Joe Biden-i Serbia linük taruba hopta semdangtsü sentong renemba osang ka White House-i metetdaktsüogo.
Serbia sorkari par tongti highway ka Biden’er jabaso nüngtem nung tawa tenüng jalokja lir.
2015 küm May ita 30 nü tokolok cancer tashidak agi shiranga arishi küm 46 tain lia asüsang, Beau Biden taküm alidang Serbia kübok Kosovo province nung mapang tatsüka asoshi okatsür ka ama 2001 küm inyaka liasü.
Kosovo kübok Gjilan-Ferizaj nungi US mitkar tesep tentetdak, Bondsteel-i aoba lenmang shilem ka Beau Biden nüngtem nung tenüng taküm June ita jalokja liasü.
Biden-i tan August ita 15-17 tashi Serbia semdanga par lenirtem den ajuruteptsü sentong renema lir.