US yimsüsürtemi sen Bn 611 defence bill agizükogo

Washington, December 03 (Agencies): United States (US) House of Representatives yimsüsürtemi taruba 2017 küm atema dollar sen billion 611 defence bill agizükogo.
US Tir, Barack Obama-i aniba sorkari benokba den sen billion 9 agi timba kümdaktsür külen par yimsüsür 375-i agizüka, kasaji taruba küm tetsükdaktsü kechi meli benshitsü renemtsüogo.
US yimsüsürtemi tan agizükba defence budget-ji Upper Chamber of Congress-ia taruba hopta agizükshiba sülen kasaji ozüng küma benshitsü atema Tir Obama ket tongtsütsü sentong aliba olen ka White House otongdar kati metetdaktsü.
Obama-i kanga junga tendanga shisadangba sülen pa maitsü ajenokja, iba bill-ji tatem küma agizüktsü.