UTPs & convict ken o asadangshiba UTRC senden menogo

Dimapur, Aami/June 05 (TYO): Ita shia agiba Under Trial Review Committee (UTRC) senden taoba anogo ishika tsüngda districts ajak nung agiogo.
Tuensang: Tuensang nung UTRC senden ya May 31 nü District Jail, Tuensang nung agiogo. Senden nung, May 31 nü tashi nung Under Trial Prisoners (UTP) 15 aser convicts 12 district jail nung puoka lir ta metetdaktsü. UTP rongnung parnok asem legal teyari angati anutsü langa aliba ngutet aser jail in-charge obendangeri ken o maneni tejakleni bener aotsü.
UTRC senden nungsa jail nung alir UTPs/convicts tem timba ka psychological tebilemtsü lir ta benoka jembi.
“Parnok ya junga anepalu mesüi yokra libaliroa aotsü tasak asütsü aser maneni lokti asoshi tetsükdaktsü asütsü,” ta committee-i metetdaktsü.
Tanü asüng ozüng raksartem lenla ajak nung temelenshi bener arutsütsü aoshi rangloker inyaker, anungji committee-i iba tebilemtsü dak sendaka aliba ketdangsertem dang jail nung tangazükba shidak agir aliba counselor tem teti asoshi anioktsü atema jenjang agitsü mepeshi.
Senden nung Victo Sema, PD&SJ/ Chairman UTRC, N Kano, CJM & Secy. TDLSA, K Hamtok Phom, Superintendent of Jail Tuensang, Tshelhiu, EAC HQ. Y Chubasangle, Assistant Jailor aser Yimtsusangla Chang, Project Assistant TDLSA nungertem aden.
Zunheboto: Zunheboto nung UTRC senden June 3 nü kaogo, kong UTP asem indang ken o benoka jembi. Parnok tepuokdak ayutsüba mapang tembanger asünung Zunheboto District Legal Services Authority-i bail application asoshi jenjang tapet agitsü benok. Jail report ajanga ashiba agi, May tashi nung UTP 17 aser convicts 5 jail nung puoka lir.
Phek: Phek District Legal Services Authority itashi agiba UTRC sende District and sessions judge chamber nung May 28 nü agia liasü. Iba senden nung Mezivolu T Therieh, Chairman, Phek DLSA. Cheliam Khiamniungan, secretary, Phek DLSA, Sachin Jaiswal, DC Phek, Ovung, Dozhoyi, Asst Jailor Phek aser James Ovung, SDPO Phek dena liasü. Senden nung assistant jailor-i May tashi nung UTP 10 aser convict 4 puoka aliba osang agütsü.
Dimapur: Dimapur nung committee-i ashiba agi, District Magistrate-i (UTRC züngsem) ketdangsertem dang district jail tem nung regular doctor anioktsü aoshi benoktsü. Maneni UTPs aser convicts tem temang anepalutsü atema District hospital nung yipden 5/6 aitsüsa takdang tuluba agütsütsü asoshi MS den jembishinütsü lemtet.
Trial court tetuyuba dak ajemdaker aija alir ka medical ground nung chiokogo.
Central Jail aser District Jail Superintendent report ajanga ashiba agi, UTRC-i shinga danga taochi sayutsüsa temsüa mali.
Peren: Peren district UTRC senden May 29 nü kaogo. Section 436 CrPC aser CrPC kübok 436 A nung ajemdaker committee-i tepuoker ka chioktsü asoshi tuyu. Iba senden nung District Magistrate, Peren, SP, Peren, Member Secretary, Peren DLSA and Deputy Superintendent, District Jail dena liasü.
Wokha: Nino Iralu District & Sessions Judge cum Chairman Wokha DLSA, W.V Patton Chief Judicial Magistrate & Secretary WDLSA, SDPO. Imkongsangba Jamir , Asst. Jailor Mhademo Kithan & WDLSA Panel Lawyer inchare of Jail, Renbonthung Y Tsanglao nunger District Jail Wokha nung UTRC senden nung denogo.