Uttar Pradesh Cabinet-i GST agizük

Lucknow, May 02 (Agencies): Mongolbarnü Uttar Pradesh sorkari state nung Goods and Services Tax (GST) mapa küma inyaktsü atema agizükogo aser kasaji state Assembly nunga agizüktsü.
Lucknow nung Chief Minister, Yogi Adityanath-i anir amenba cabinet senden nung GST ji agizüka liasü.
“Tan sorkar mezüngbuba assembly nung GST agizüka mapa küma inyakba ajanga state saru timba akumtsü imlar,” ta Cabinet Minister Suresh Kumar Khanna-i metetdaktsü.
“GST benokba ajanga state senpong nung khuret arura taruba küm pongu atemabo sorkari (Centre) temenok agütsütsü. Ajisüaka Petroleum products bo GST küboki maittsü,” ta paisa shisem.
Ano külen state cabinet senden nungsa mapatong tasen ka agizükogo, kong Group B ketdangsertemji parnok departmental tekolakpurtemi transfer sütsütsü aser Group B dak temaba ketdangsertemji sorkari transfer sütsütsü.
“Transfers telatetbaji shilem 20 shi asütsü aser iba nungji matamabensartembo (divyangs) madentsü,” ta minister-isa ashi.