Uttarakhand Angh-i CM Harish dang majority sayutsü metetdaktsü

Dehradun, March 20 (Agencies): Uttarakhand Angh, Krishna Kant Paul-i Chief minister, Harish Rawat dang March 28 tashi nungi state assembly nung majority sayutsü metetdaktsüogo.
Raj Bhavan ketdangser kati iba osangji jangjatsüogo aser kasa shidiji Rawat nem agütsüogo.
Tang state sorkar tashi nung aliba Congress nung züngsem kari chief minister anema apusoba ajanga state nung yimtenren tensa mejungi lir.
Chief minister Rawat’er sorkar nung party MLA 9-i party anema apusoba sülen Angh-i iba tetuyuba agütsü.
Ano külen opposition party, BJP-i Congress sorkar minority kümogo ta sangdongogo.
BJP-i, sorkar anema noktaker Congress MLA 9 densema parnok züngsem 35 lir ta ashi, ajisüaka chief minister Harish Rawat-ibo, züngsem 70 aliba assembly nung party anema apusor MLA tem shingaia ano party metoktsü, anungji tang tashi par züngsem timba lir, ta shiogo.