Uttarakhand Cong. MLA 9-i vote magütsütettsü: SC

New Delhi, May 09 (Agencies): Taoba Uttarakhand Chief minister, Harish Rawat atema osang tajung kaji, Hombarnü Supreme Court (SC)-i state assembly nung anenja aliba mulung masür MLA 9-i temepishiba magizükba lir.
Supreme Court-i, anenja aliba MLA temi Mongolbarnü floor test agidang shilem magitettsü ta ashiba den külemi maneni July 12 nü ken o angadangtsü lemtet.
Supreme Court-i lateta alibatem nung ajemdaker asüng Uttarakhand Assembly nung Rawat nübo peria ali asü mali’ar nübo sayuteptsü.
Tanep Supreme Court-i anenja aliba MLA 9-i benokba ken o angadanga liasü.
Kasa temepishibaji Uttarakhand High Court-i magizükba sülen minute ishika tsüngda parnoki kasa temepishibaji SC nunga benok.
Iba temepishiba magizüki Nainital High Court bench of Justice UC Dhyani-i MLA tem dang, state Assembly Speaker, Govind Singh Kunjwal dangi orr ibaji meyipa reprangang ta mepishiang ta ashi.
SC-i MLA 9 jagi floor test nung shilem magitettsü ta obendang agütsür sülenbo tang BJP MLA 28 dang lir. Iba dak alia MLA 9 anentsüba ajanga Rawat-i maongka tajung angur. Majority atema MLA 31 nüngdaker.
Rawat ya chief minister teinyaktak lia March 27 nü BJP-i aniba Centre sorkari state nung Tir yimsüsüba benoka liasü.