Uttarakhand nung maneni President’s Rule alitsü

New Delhi, April 27 (Agencies) : Bodbarnü Supreme Court-i Uttarakhand nung maneni President’s rule alitsü atema oshidang ka agütsü aser April 29 nü floor test magitsü tetuyuba agütsü.
May 3, 2016 nungi Supreme Court-i iba onük benoka angatsü aser May 13 nü obendang agütsütsü.
Iba dak sendakba nung tanga tetuyuba ka magütsü tashi floor test magii atatsü.
Tanü Supreme Court-isa Centre dang Uttarakhand nung President’s rule benokba atema tasüngdangba tenet tashi asüngdang aser item asoshi telangzüngba meshiogo.
“SC-i anogo latetogo anungji onok iba tetuyuba sülen anidaktsü,” ta taoba Chief Minister, Harish Rawat-i osangbener dang ashi.