V Narayanasamy Puducherry Chief Minister shimogo

Puducherry, May 28 (Agencies): Puducherry Chief minister menden atema Congress-i V Narayanansamy shimogo. Party telung nung chief minister menden atema atsütepba ajanga Union Territory, Poducherry nung sorkar akumtsüa menor.
UPA II sorkar mapang nung Narayanasamy ya Prime Minister’s Office (PMO) nung  Minister of State inyaka liasü. Mezüng UPA sorkar nunga pa MoS Parliamentary Affairs inyaka liasü. May 16 nü Assembly election nung pai metoktep, anungji pai by election ka nung tokteptsü.
Honibarnü Puducherry nung tang tasen shimba MLA tem-i Congress lenir Mukul Wasnik aser Sheila Dikshit na den senden ka amenba sülen legislature party lenir atema Narayananswamy shimba osang sangdonger.
Puducherry nung Chief Minister menden arishir tongti rongnung Puducherry Pradesh Congress Committee Tir, A Namassivayam aser taoba mapang chief minister V Vaithilingam na liasü. Taoba mapang Welfare Minister, M Candassamy-ia iba menden aginüa liasü.
Puducherry menden temaba atema Narayanasamy aser Namassivayam nati New Delhi nung Congress Tir, Sonia Gandhi ajurua liasü.