Vaccine dak sendakba nung osang taila FB aser Instagram nungi agintsü

Metsüremi/March 8, 2019 (Agencies): Vaccine dak sendakba nung osang taila aser olulu prokshiba nokdangtsü atema Facebook aser parnok meyong photo-messaging app Instagram puri iba amala osang advertise masütsü telemtetba agiogo. World Health Organisation aser Centres for Disease Control aser Prevention, US-i taila ta jangjatsür aliba account kong vaccine dak sendakba nung osang taila prokshir, item account tem anema jenjang tapet agitsü asoshi company-i telemtetba agiogo.
“Vaccin dak sendakba nung related searches result top nung aser iba dak sendakba expert organizations nungi osang aruba osang tejangja onoki nüburtem nem agütsüner,” ta Facebook, Global Policy Management, Vice President Monika Bickert-i Brehostibarnü blog-post ka nung zülutsü. Iba dak sendakba nung Facebook Page kong vaccine indang osang taila prokshir item ya recommendations mesera prediction nung minoktsütsü.
Instagram nung vaccine dak sendakba nung osang taila keta aliba content tem Explore tab aser hashtag pages nung mesayutsü. Social networking platforms anaprongla ya advertisers temi kanga amshir asünung ads kong osang taila osang keta lir item ya jangjaba mapang nungsa agintsütsü. “Ad account kobai policies anema maneni inyaker item anema onoki account shibangtsüba amala jenjang agitsü,” ta Bickert-i ashi.
“Onoki vaccine dak sendakba nung nübur ajangzükdaktsütsü atema lenmang bushidar,” ta laisa ashi.