Valcke Secretary General menden nungi anentsür: FIFA

Zurich, January 13 (Agencies): Alima ajunga nung football asayatsüren ketdang asür, FIFA-i Jerome Valcke FIFA Secretary General menden nungi anentsüba osang ka tanü Bodbar nü metetdaktsüogo.
“FIFA’er Emergency Committee-i senden ka amenba sülen Valcke Secretary General menden nungi anentsüogo,” ta FIFA-i sangoktsü.
Taoba FIFA Tir, Sepp Blatter’er tongti ketdangser ama 2007 nungi FIFA tenzüksang, Valcke ochimashi inyakba ken o nung aitsüba sülen FIFA lenisütsü menden nungi anentsür lir.
Valcke FIFA nung shilem magidaktsütsü telemtetba ka FIFA-i yaküm 2015 küm September ita 17 nü agiba sülen FIFA’er ethics o bendangertemi küm 9 tashi football asayatsüren nung shilem agitsü temerenshi agüja alisang, Valcke anema benokba ken o tanaben angadang aser FIFA-i pa asangsang nung Secretary General menden nungi tan anenja merenshir lir.
Valcke melena Secretary General menden abensang, Markus Kattner-i maneni acting secretary general ama FIFA tenzüktsü renemba osang ka FIFA-isa metetdaktsüogo.