Valentine’s Day indang film ka sayaogo

Kolkata, February 14 (Agencies): Valentine’s Day indang film tatsü ka, “Queen of Hearts” Kolkata nung sayaogo.
Iba film nung Darshan Jariwalla aser Smita Jayakar nati tongti shilem agia lir. Iba film otsü nung Mehta’er kibong tongtibangsüa adoker aser teburtemi parnoki meimlaji ‘dating’ atema parnok tsüngda tokteper.
Iba film dak sentakba nung Darshan-i, “Iba film ya Valentine’s Day indang otsü tatsü ka lir aser iba anogo tajung ya nü meimla/meimsang den dang masü saka kinünger ajunga den koma amungtsüla, ibaji sayuba indang lir,” ta ashi.
“Queen of Hearts ya südoksünem film ka lir, kinüngertem külemi mener reprangtettsü film ka lir,” ta paisa ashi.
Ano Smita-ia, “Iba ya film kanga tajung ka lir. Iba otsü ya khenyongi balaka, asenoki Valentine’s Day ya asayamenüa jangratema amungtsüla. Kechiyong iba ya pei kibong meimba indang lir,” ta ashi.
Minute 7 ser tesadang film ya yashi sayaogo.
Iba otsü ya Abhimanyu Kanodia-i zülua direct asü aser Facebook, Youtube aser twitter ama digital platform nung angutsü.