Valentino Rossi-i British MotoGP akoker

London, August 31 (Agencies): Italy nunger bike toktepa anishir, Valentino Rossi-i British MotoGP takok ngua world championships takok marok agizüktsü bike anishir tarensen nung temaba jenjang yashi Deobar nü nguogo.
Yashi takok anguba ya Rossi-i taküm 2016 küm tenzüker tanü tashi nung takok marok 4 buba agizüker lir.
Yashi tzünglu kanga sashia aruaka, Rossi-i par Yamaha telok asoshi takokbaji agizüktsü.
Külem sensopur aser Ducati telok indang bike anishir 2, Danilo Petrucci aser Andrea Dovizioso nati Rossi sülen alizüng tekaraba mapang nung tonga tanabuba aser tasembuba jenjang angu.
Yashi 6 buba jenjang nungiang tenzükaka, taoba mapang world championships takokba 9 tashi agizüka alisang, Rossi-i lap ana nung tangar ajak ajangatet aser mezüngbuba jenjang nung alizüng atong.
Külem Yamaha bike anishir, Spain nunger Jorge Lorenzo-ia yashi tetoktepba nung 4 buba jenjang ngua liasü.